vo Herze....

das wetti so fescht usegeh id Wält - alles woni mache chund vo Herze. Secher nid jede Tag gliich, be ja au en Mänsch, aber immer weder mit fröschem Elan. Ich liebes öppis wo eus oder de Gliichgsinnte guet dued of d'Bei z'stelle.

Was ich i dene Herzdame Jahr scho alles ha döffe erläbe esch eifach nome wundervoll und ech be sehr dankbar deför.

s Nagelstudio wo mer immer weder ufzeigt, dass die toll Handarbet nid eifach nome chli Nägel mache esch so wiemers vo Mänsche immer wieder ghört . Es bruucht vill Finesse i de Händ, es Aug wo gsehd wies muess usgseh und gueti Ohre wo all die guete Fraue chönd und wend ghöre...

Es esch vill meh dehindert und es esch en unbezahlbari Handarbet woni weiss,  mini Fraue schätzid das sehr. Danke do deför.

s Airbrushe womi packt hed, eigentlich för of d Nägel zum schöni Muster mache. Das hed sech de schnell afo usbreite ine Dimension woni nid dänkt hätt. Zerscht hämmer i de Garage dihei afo Teffli - Rally Airbrush Tatoos mache und  spöter nach 2 Jahr am Grossahlass z'Ennetmoos han ich döffe ofs Gländ go brushe, mit mine tolle Fraue wo all hinder minere Idee gstande send und so rechtig Gas geh hend... Eifach de Hammer!

s Töpfärä esch sett bald 3 Jahr i mim Chopf und das woni jetzt daf a foh. Alli Erfahrige mis Härz berichered, das döfed au ehr erfahre und bi mer im Atelier usprobiere...

mini Familiä, die esch eifach unbezahlbar. Ohni mi Maa und mine 3 tolle Chind wär ich nid da woni jetzt be.

Sie bruuched au vill Pfupf zum mini Ideä immer i z'ortne, vill handwärchlichs Gschick vo mim Maa lahd mis Studio und s'Atelier so la usgseh wies erschiint. Au eusi Chind bruuched amigs vill Geduld wenns eifach au rasch im Studio müend öberbrücke besi fertig be. De Rügge frei phalte gägesiitig, das bruuchts vo allne und för alli i de Familiä. Aber ebe jede wo Familiä hed, weiss dases nor mitenand gad und vor allem mit vill Liebi und Respäkt.

Danke vo Herze...